მარიუპოლი მზიანი, ზღვისპირა ქალაქი, სადაც ადამიანებს სიცოცხლე უხაროდათ

როგორი იყო ცხოვრება რუსი დამპყრობლების შეჭრამდე ფოტოები ომამდე და ომის შემდეგ, მა­რი­უ­პო­ლი - უკ­რა­ი­ნუ­ლი ქა­ლა­ქი, სა­დაც რუ­სუ­ლი ბომ­ბე­ბის ხმა არ წყდე­ბა და სა­დაც დამ­პყრობ­ლე­ბის აგ­რე­სი­ას უკვე ათა­სო­ბით ადა­მი­ა­ნი ემსხვერ­პლა. მი­უ­ხე­და­ვად იმი­სა, რომ ის ახლა რუ­სუ­ლი ძა­ლე­ბის მთა­ვა­რი სა­მიზ­ნეა, ჯერ­ჯე­რო­ბით ისევ დგას და არ და­ცე­მუ­ლა. ომს გა­დარ­ჩე­ნი­ლი ადა­მი­ა­ნე­ბი თავ­შე­სა­ფარს აფა­რე­ბენ თავს და ჰუ­მა­ნი­ტა­რუ­ლი კო­რი­დო­რის მო­ლო­დინ­ში არი­ან, რათა შეძ­ლონ თა­ვის დაღ­წე­ვა. მა­რი­უ­პო­ლის მცვე­ლე­ბი, "აზო­ვის" ბა­ტა­ლი­ო­ნის და 36-ე სა­ზღვაო ქვე­ი­თი ბრი­გა­დის ჯა­რის­კა­ცე­ბი კი ამ­ბო­ბენ, რომ იბ­რძო­ლე­ბენ მა­ნამ, ვიდ­რე უკა­ნას­კნე­ლი ტყვია ექ­ნე­ბათ.

უკ­რა­ი­ნის სამ­ხრე­თით, აზო­ვის ზღვის სა­ნა­პი­რო­ზე მდე­ბა­რე ეს სა­პორ­ტო ქა­ლა­ქი ომამ­დე მზი­ა­ნი, ხმა­უ­რი­ა­ნი და ფე­რა­დი იყო. ადა­მი­ა­ნე­ბი ჩვე­უ­ლი ცხოვ­რე­ბით ცხოვ­რობ­დნენ - მუ­შა­ობ­დნენ, სწავ­ლობ­დნენ, ერ­თო­ბოდ­ნენ, თე­ატ­რში და­დი­ოდ­ნენ. ახლა იქ მხო­ლოდ დენ­თის სუნი, ტყვი­ე­ბის ხმა, მტვე­რი და სა­სო­წარ­კვე­თი­ლი ადა­მი­ა­ნე­ბი არი­ან - გა­დარ­ჩე­ნის მო­ლო­დინ­ში.

ამ ად­გილს ქა­ლა­ქის სტა­ტუ­სი 1778 წელს მი­ე­ნი­ჭა და მა­შინ მას პავ­ლოვ­სკი ერ­ქვა. 1979 წელს მა­რი­უ­პო­ლი უწო­დეს. ქა­ლა­ქის მო­სახ­ლე­ო­ბა სწრა­ფად იზ­რდე­ბო­და.

მა­რი­უ­პო­ლი მალე რე­გი­ო­ნის­თვის მთა­ვარ სა­პორ­ტო ქა­ლა­ქად ჩა­მო­ყა­ლიბ­და. კო­მუ­ნის­ტუ­რი პარ­ტი­ის მა­ღალ­ჩი­ნოს­ნის ან­დრეი ჟდა­ნო­ვის პა­ტივ­სა­ცე­მად, 1948 წელს ქა­ლაქს სა­ხე­ლი გა­და­არ­ქვეს და ჟდა­ნო­ვი და­არ­ქვეს. ად­რინ­დე­ლი სა­ხე­ლი მა­რი­უ­პო­ლი კი მას 1989 წელს და­უბ­რუ­ნეს.

მა­რი­უ­პო­ლი 2014 წელს რუ­სე­თის მიერ ყი­რი­მის ანექ­სი­ის შემ­დეგ არა­ერ­თხელ გამ­ხდა­რა რუსი დამ­პყრობ­ლე­ბის სა­მიზ­ნე, თუმ­ცა უკ­რა­ი­ნუ­ლი ძა­ლე­ბი მა­შინ წარ­მა­ტე­ბით ახერ­ხებ­დნენ მტრის მო­გე­რი­ე­ბას.

ომამ­დე ეს იყო ნახ­ში­რის, ფო­ლა­დის, მარ­ცვლე­უ­ლის, მან­ქა­ნე­ბის ექ­სპორ­ტი­ო­რი ქა­ლა­ქი. გან­ვი­თა­რე­ბუ­ლი იყო მე­თევ­ზე­ო­ბა. ფუნ­ქცი­ო­ნი­რებ­და რკი­ნი­სა და ფო­ლა­დის დიდი ქარ­ხნე­ბი, გან­ვი­თა­რე­ბუ­ლი იყო მან­ქა­ნათმშე­ნებ­ლო­ბის ინ­დუსტრია, მუ­შა­ობ­და თევ­ზის კონ­სერ­ვა­ცი­ის ქარ­ხა­ნა, მუ­შა­ობ­და მე­ტა­ლურ­გი­ის ინ­სტი­ტუ­ტი და.ა.შ. 2021 წლის მო­ნა­ცე­მე­ბით, მისი მო­სახ­ლე­ო­ბა 431 859 ადა­მი­ანს შე­ად­გენ­და.

ომის სი­სას­ტი­კე ყვე­ლა­ზე უკეთ ფო­ტო­ებ­ზე ჩანს - ვნა­ხოთ ომამ­დე და ომის შემ­დეგ ერ­თსა და იმა­ვე ად­გი­ლებ­ში გა­და­ღე­ბუ­ლი კად­რე­ბი.

• შე­ნო­ბა, რო­მე­ლიც ახლა ნან­გრე­ვე­ბა­დაა ქცე­უ­ლი

• ერთი და იგი­ვე შე­ნო­ბა ომამ­დე და შემ­დეგ

• მა­რი­უ­პო­ლის თე­ატ­რი, რო­მე­ლიც სა­ჰა­ე­რო თავ­დას­ხმის ობი­ექ­ტი გახ­და

• გა­ნად­გუ­რე­ბუ­ლი თე­ატ­რის კი­დევ ერთი ფოტო ომამ­დე და ომის შემ­დეგ - სხვა რა­კურ­სით

• თე­ატ­რის ინ­ტე­რი­ე­რი ომამ­დე, ახლა იქ ნან­გრე­ვე­ბია

• ქუჩა მა­რი­უ­პოლ­ში დამ­პყრობ­ლე­ბის შეჭ­რამ­დე და შემ­დეგ

• ვა­რა­უ­დო­ბენ, რომ ქა­ლაქ­ში ათა­სო­ბით სა­მო­ქა­ლა­ქო პი­რია მოკ­ლუ­ლი

წყარო: ambebi.ge