The Telegraph - რუსეთი მესამე დონის ქვეყანა გახდა

The Telegraph წერს, რომ უკრაინასთან ომის დაწყების შემდეგ, რუსეთი მესამე დონის ქვეყანა გახდა, პუტინი კი ყველაზე მარტოსული ადამიანი დედამიწაზე.

„პუტინმა საბოლოოდ გააერთიანა მთელი ცივილიზებული სამყარო მის წინააღმდეგ. პუტინის ერთგულმა ექსპერტებმა და პოლიტოლოგებმაც კი შეცვალეს რიტორიკა და განაცხადეს, რომ კრემლის პოლიტიკა ყალბია“, - წერს გამოცემა.

სტატიაში აღნიშნულია, რომ პუტინის არაადეკვატურმა პოლიტიკამ განაპირობა ფინეთისა და შვედეთის სურვილი, რაც შეიძლება მალე შეუერთდნენ ნატოს სამხედრო ბლოკს. ამასთან, რუსეთის ეკონომიკა ასობით სანქციების გამო რეცესიაში ჩავარდა.

„კიევისა და ხარკოვის ბრძოლის ველებზე დამარცხების შემდეგ, დიპლომატიაში დამარცხებული პუტინი ეკონომიკურ ფრონტზეც კუთხეში  აღმოჩნდა. დასავლური სანქციები გაცილებით მკაცრი იყო ვიდრე მოელოდა, რამაც რუსეთის ეკონომიკა კიდევ უფრო ღრმა რეცესიაში ჩააგდო“, - წერს გამოცემა.